बिना किताब के कईसे होतई पढ़ाई?

समस्या बतबईत प्रधानाध्यापक
समस्या बतबईत प्रधानाध्यापक

जिला शिवहर, प्रखण्ड तरियानी, पंचायत छतौनी, राजकीय मध्य विद्यालय विशनपुर फकिरा। इहां पहिला अउर छठा वर्ग के किताब न अलई। जबकि आठवां महिना वित रहल हई। ऐई विद्यालय के बच्चा के नामांकन तीन सौ इक्यानवे अउर उपस्थिति दु सौ तिरसठ हई।
विद्यार्थी भरत कुमार, विभा कुमारी कहलथिन कि सब वर्गा के किताब मिल गेलई। लेकिन पहिला अउर छठा वर्ग के किताब न मिललई। जेई कारण हमरा सब के पढ़ाई में दिक्क्त हो रहल हई। कोर्स के अनुसार पढ़ाई पुरा कईसे होतई। अब त अतेक दिन बीत गेलई।
प्रधानाध्यापक अर्जून लालसिंह कहलथिन कि किताब के लेल त केतना बेर प्रखण्ड में भी मांग कईली लेकिन न मिलल कयला कि जिला से प्रखण्ड में ही न आयल हई। जब किताबे न हई त बच्चा के दु तीन सेट किताब हई ओही से पढ़ा रहल छी।
प्रखण्ड शिक्षा पदाधिकारी अमोद कुमार सिंह कहलथिन कि इ समस्या त प्रखण्ड के सब विद्यालय के हई। राज्य से किताब अयबे न कलई त कहां से देल जतई। एक सप्ताह पहिले देख-रेख करे वाला लोग आयल रहथिन त लिखा के गेलई स्टेट में उहां से किताब अतई त देल जतई।