बिना अनुमति कै काटत हरा पेड़

29-07-15 Faizabad Poora - Deforestation webजिला फैजाबाद, ब्लाक पूराबाजार कस्बा। हिंआ के मनई कै आरोप बाय कि कुछ माफिया मनई हिंआ कै हरा पेड़ काटत बाटिन। अउर पुलिस यकै कउनौ कार्यवाही नाय करत बाय।

कस्बा कै रहे वाले मनई बताइन कि एक तरफ राज्य सरकार ग्रीन यूपी कै नारा दियत बाय। लाखों रुपया खर्च करत बाय। तौ वनविभाग अउर पुलिस कै मिलीभगत से सरकार कै सपना पै पानी फेर उठत बाय। अउर हिंआ कै बाग मा अवैध लकड़ी के डिपो बनाये बाटे जब हमरे सब पूछेन कि केकरे कहे पै पेड़ काटत बाटे तौ कहिन सबका पता बाय। बतावा हिंआ हरा पेड़ शीशम, आम, नीम, महुआ के पेड़ काटत बाटे जबकि सरकार यतना पैसा खर्च कइकै पौधा लगवावत बाय।

महराजगंज थाना कै थानाध्यक्ष उदयराज यादव बताइन कि यकरे बारे मा हमैं कउनौ जानकारी नाय बाय। अगर बिना अनुमति कै हरा पेड़ काटा जात बाय तौ कड़ी कार्यवाही कीन जाये।