बिजली विभाग की माया कहीं धूप कहीं छाया बांदा जिले के दंतरौली गाँव की कहानी

बांदा जिले के तिंदवारी ब्लाक के गांव दतरौली मा पन्द्रह दिन से ट्रांसफार्मर जला पड़ा है जेहिके कारन मड़इन का बहुतै परेशानी होत है।
राजू प्रसाद का कहब है कि ट्रांसफार्मर जले से बिजली आवत आय न पानी। अंधेरे मा बहुतै मच्छर काटत है तौ बीमारी फइलत है। राजकुमार का कहब है कि बिजली न होय से फ्रिज, टी.बी. कुछौ नही चल पावत आय। अंधेरे मा बच्चन के पढ़ाई नहीं होई पावत आय। किरनी का कहब है कि अंधेरे मा खाना बनावै का पड़त है। रजुलिया बताइस कि पानी न आवै से जानवर पियासन मरत हैं अउर बच्चा रात के सो नहीं पावत आहीं। कालका प्रसाद का कहब है कि बिल बराबर आवत है पै बिजली नहीं रहत आय, शिकायत करै मा आश्वासन बस मिलत है। रामबिहारी का कहब है कि जानवरन का पियावै खातिर बहुतै पानी लागत हवै, बिजली के कारन नल न आवै से जानवर पियासन मरत हैं। प्रेमचन्द बताइस कि विभाग मा दुई दरकी दरखास दई चुके हन पै सुनवाई नहीं होत आय।
एस.एस.ओ. राजेन्द्र कुमार का कहब है कि ज़ेई का ट्रांसफार्मर जले के रिपोर्ट भेज दीन गें है।  

रिपोर्टर- शिवदेवी

Published on Mar 26, 2018