बिजली ना आवै से बोर्ड परीक्षा मा बाधा

जिला अम्बेडकर नगर। माध्यमिक षिक्षा परिषद कै परीक्षा सिर पै बाय। लकिन बिजली विभाग कै कर्मचारी अउर  अधिकारी के मनमानी से गेदहरन का काफी परेषानी हुवत बाय। लकिन षासन प्रषासन यकै ध्यान नाय दियत बाय।
माध्यमिक षिक्षा परिषद के हाईस्कूल अउर इण्टर के गेदहरन कै परीक्षा आगामी 19 फरवरी से हुवब तय बाय। लकिन बिजली कै कउनौ निष्चित समय नाय बाय। जेतना षासन प्रसाषन से बिजली दियै कै नियम बाय वहू मा कटौती कीन जाथै। जेसे छात्र छात्रा अउर उनके घरवाले काफी परेषान बाटे। स्कूली गेदहरै  अजीत कुमार, दुर्गेष,  रीता, वसुन्धरा जैसे गेदहरन कै कहब बाय कि बिजली आपूर्ति षाम छह बजे से सुबह छह बजे तक कीन जाए। जेसे सबकै सही से पढ़ाई होय सकै। अगर षासन प्रषासन यहपै ध्यान न दे तौ बहुत से गेदहरन कै भविष्य अंधकारमय होय जाये।
कटेहरी बिजली विभाग उपकेन्द्र कै अवर अभियंता रामसुगत वर्मा बताइन कि बिजली कै जवन आपूर्ति उपकेन्द्र पै आवत बाय वतना सप्लाई किया जात बाय। जवन नियम बाय वही नियम से दिया जात बाय। षाम नौ बजे से रात दुई बजे तक अउर सुबह सात बजे से ग्यारह बजे तक बिजली दीन जात बाय।