बिजली खाली नाव कै

जिला फैजाबाद, ब्लाक मया, कस्बा बाकरगंज। हिंआ बिजली एक फेस मा रहा थै। पंद्रह सौ कै आवादी बाय । जून-जुलाई से   बिजली रोवावत बाय।

उपस्वास्थ्य केन्द्र बाकरगंज कै सुमित्रा दाई बताइन कि सरकार के हिंआ से बिजली पास होय गै बाय। यहि केन्द्र मा अबहीं तक बिजली नाय लाग बाय। हमरे सब प्रसव अंधियारे मा कराई थै।

वाजिद अली, रामफूल, मोहम्मद, एकादसी ये बताइन कि बिजली कै कउनौ समय नाय बाय। कबहू तेज धीम कभौ-कभौ रहबौ नाय करत। यसे सब से ज्यादा मुसीबत बाय। कस्बा के बीच मा जवन गली से तार लटकत बाय लगभग बीस पच्चीस तार गै बाय जेही कारन से पिछले साल आग लागै से बहुत नुकसान भै रहा।

ओमप्रकाश, पंकज, सुधीर वर्मा बताइन कि ऊ उपकेन्द्र नौ सौ मीटर दूरी पै बाय अउर पांच खम्भा लाग रहा जौवन सब टूट गै बाय। अगर खम्भा सड़क कई लाग जात तौ कउनौ खतरा न रहत अउर उपस्वास्थ्य केन्द्र मा बिजली होय जात।

पावर हाउस कै जे.ई. दिनेश कुमार बताइन कि ऊ ट्रांसफार्मर तीन साल से लाग बाय। वहू बिगड़ै के हालत मा चलत बाय। यहिसे बिजली कै दिक्कत बाय।

kasba - bijli naam ki