बिजली का टूट हवै खम्भा

टूट खम्भा
टूट खम्भा

जिला चित्रकूट, ब्लाक मऊ, कस्बा लालता रोड। हिंया लगभग एक बरस से बिजली का खम्भा टूट हवै। वा खम्भा कत्तांै भी गिर सकत हवै। अगर खम्भा गिरी तौ मड़इन के चोंट लाग सकत हवै। यहै से कइयौ दरकी बिजली विभाग मा कहा गा, पै कउनौ ध्यान नहीं दीन गा।
मऊ बिजली विभाग के लाइनमैन विनोद का कहब हवै कि विभाग मा अबै खम्भा नहीं आय। खम्भा जल्दी लगवावा जई।
हिंया के प्रेमसागर त्रिपाठी अउर अजय लगभग दस लोगन का कहब हवै कि या खम्भा पांच महीना से टूट परा हवै। या मेन सड़क के बगल मा हवै। या खम्भा से तौ बहुतै डेर लागत हवै। कइयौ दरकी बिजली विभाग मा कहे हन कि खम्भा बदलवा दीन जाये, पै नहीं सुनत आय। या खम्भा से कइयौ लोगन के जान जा सकत हवैं।