बिजली करै बेहाल

DSCN2205चित्रकूट जिला मा 17 अगस्त से 20 अगस्त तक बिजली कटौती से मड़इन का जियब मुश्किल कइ दिहिस हवै। बिजली न रहेैं से मड़ई गर्मी से बेहाल होइगे हवै।
ब्लाक पहाड़ी, गांव चकला के आरती अउर गिरजा का कहब हवै कि बिजली कटौती तौ नाक मा दम कइ दिहिस हवै रात मा नींद भर सोवै का नहीं मिलत अउर दिन भर बइठे बइठे होइ जात हवै।
ब्लाक कर्वी, कस्बा कर्वी, पटेल चैराहा। हिंया के सूरज अउर शिवकांत का कहब हवै कि बिजली न रहंै के कारन कउनौ काम नहीं कइ सकित हन। फोटो कापी अउर कम्प्यूटर सबै सुन्न धरे रहत हवै। काहे से कि चाहे कउनौ भी सरकारी काम होय। वहिमा हर कागज लागत हवै।
कर्वी बिजली विभाग के जेई राजेन्द्र कुमार राजपूत का कहब हवै कि बांदा मा सर्विसिंग का काम भा हवै। यहै से बिजली कटौती होत रहै, पै अब बिजली बराबर दिन रात रही। मड़ई काहे परेशान हवै।
ब्लाक मऊ, गांव मोहिनी। हिंया के विजय बहादुर अउर खण्डेहा गांव के अजय कहिन कि बिजली नहीं रहत तौ सप्लाई नल मा पानी नहीं आवत हवै। रात के अंधियारे मा डिब्बी जलाइत हन, पै डिब्बी मा कुछौ नहीं देखाई देत हवै। यहै से बच्चन के पढ़ाई मा भी यहिकर असर परत हवै। पता नहीं कि येत्ती ज्यादा बिजली कटौती काहे कीन जात हवै। बिजली कटौती होत हवै पै बिल बराबर आवत हवै। मऊ बिजली विभाग के उपखण्ड अधिकारी रामलखन का कहब हवै कि बिजली कटौती खतम होइं।