बिजली कटौती करिस बेहाल

taja -1 copyजिला चित्रकूट, ब्लाॅक कर्वी। हिंया 6 जून से बिजली कटौती होत हवै। चैबिस घण्टा मा मुश्किल से कुल तेरह घण्टा बिजली रहत हवै।
कर्वी के कल्लू अउर पवन का कहब हवै कि गर्मी से मड़इन का हाल बेहाल रहत हवै। बिजली या समय आंख मिचैली करत हवै। रात के दस बजे बिजली जात हवै। फेर डेढ़ बजे रात के आवत हवै। यहिके बाद सुबेरे सात बजे जात हवै अउर आठ बजे आवत हवै। फेर नौ बजे चली जात हवै। फेर बीच बीच मा दुइ-दुइ घण्टा का चली जात हवै।
कर्वी बिजली विभाग के अधिशाषी अभियन्ता राजमणि विश्वकर्मा का कहब हवै कि या समय आंधी आवै के कारन अगर बिजली का तार फाल्ट होइ जात हवै। तौ यहिसे बिजली नहीं रहत आय। वइसे शहरी क्षेत्र मा चैबीस घण्टा अउर ग्रामीण इलाके मा अट्ठारह घण्टा बिजली दीन जात हवै।
ब्लाॅक मऊ, कस्बा लालता रोड हिंया के ट्रांस्फारमर एक हफ्ता से फूंका पड़ा हवै। लगभग हजारन मड़ई परेशान हवै। बिजली विभाग मा 10 जून का लिखित दीन गे। हिंया के संदीप
लक्ष्मी प्रसाद अउर राम प्रसाद कहिन कि एक हफ्ता से ट्रांस्फारमर फुंका हवै। घरन मा अंधियार रहत हवै। कूलर पंखा नहीं चलत अउर मोबाइल चार्ज नहीं होइ पावत। इनतान के गर्मी मा दुकान नहीं चला पाइत हन। 10 जून का मऊ बिजली विभाग मा दरखास दीन गे हवै। ट्रांसफारमर बदला जाय।
मऊ बिजली विभाग के एस.डी.ओ. विनोद कुमार गंगवार कहिन कि ट्रांस्फारमर बदला दीन जई।

रिपोर्टर – तबस्सुम और सहोद्रा देवी