बिगरो परो हैण्पम्प

हत्था भी उखाड़ ले गये आदमी
हत्था भी उखाड़ ले गये आदमी

जिला महोबा, ब्लाक चरखारी, कस्बा चरखारी, मोहल्ला चिन्तीपुरा। एते को हैण्डपम्प लगभग चार महीना से खराब परो हे। जीखे सुधराए के लाने जल संस्थान के अधिकारी कोनऊ ध्यान नई देत आय।
मंजू ओर रोहित ने बताओ कि जा हैण्डपम्प लगभग दस साल को लगो आय। ई हैण्डपम्प रोड के किनारे लगो हे। जीसे मोहल्ला के पच्चीस घर आदमियन के साथे रोड से निकरे वाले हजारन आदमियन की प्यास बुझत हती, पे चार महीना से जा हैण्डपम्प बिगरो परो हे। जीसे हम लोगन खा पानी के लाने एते ओते भटकने परत हे। हर्षित ओर पूरन बताउत हे कि हमने केऊ दइयां नगर पालिका ओर जल संस्थान में सूचना दई हे, पे ओते हमाई कोनऊ सुनवाई नई भई आय। अब तो लागत हे कि ई हैण्डपम्प न बनहे।
जल संस्थान चरखारी ईकाई के बाबू महबूब अहमद ने बताओ कि ऊ हैण्डपम्प रीबोर खे लाने परो हे। ऊखे लाने लिख के हमने महोबा जल निगम में भेज दओ हे। जभे ओते से मशीन आहे तो रीबोर करा दओ जेहे।