बाल बाल बच गे जान

rypurva tajaजिला चित्रकूट, ब्लाक कर्वी, गांव रैपुरवामाफी। हिंया प्राथमिक स्कूल के भीतर दस के.वी.ए. का ट्रान्सफारमर लाग हवै। 3 सितंबर का दिन मा लगभग साढ़े दस बजे ट्रान्सफारमर धू धू कइके जलै लाग। यहिसे प्राथमिक अउर पूर्व माध्यमिक स्कूल मा करंट उतर आवा अउर छह बच्चन समेत पूर्व माध्यामिक स्कूल के हेडमास्टर झुलस गें।
प्राथमिक स्कूल का पे्ररक छोटेलाल कहिस कि प्राथमिक अउर पूर्व माध्यमिक स्कूल के छत से बिजली के ग्यारह हजार के लाइन निकरी हवै। यहिसे या घटना भे हवै। स्कूल मा कुल एक सौ सत्तर बच्चा हवंै। जबै से या घटना घटी तबै से कम बच्चा आवत हवैं। प्राथमिक स्कूल मा पढै़ वाले बच्चा कहिन कि अब डेर लागत हवै। काहे से कि वा दिन जान जाये से बहुतै बच गे हवै।
पूर्व माध्यामिक स्कूल के हेड मास्टर प्रदुम्न नारायण गुप्ता कहिन कि करंट आवैं से विमला देवी, रंजना प्रियंका आशा अउर मै झुलस गें हन। सबसे ज्यादा विमला देवी के गोड़ गा घाव होइगा हवै। ट्रान्सफारमर हटवावै खातिर 4 सितंबर का बिजली विभाग अउर बेसिक शिक्षा विभाग मा लिखित दरखास दीन गे। बेसिक शिक्षा अधिकारी वीरेन्द्र कुमार कहिन कि ट्रान्सफारमर हटवावा जई। कर्वी बिजली विभाग के बाबू विजय कहिन कि सात दिन के भीतर ट्रान्सफारमर हटा के दूसर जघा रखा दीन जई।