बारहवें दिन समाप्त भै धरना

kasba1जिला फैजाबाद, ब्लाक तारुन। थाना के सामने 22 जुलाई 2014 से कइयौ समस्या का लइके बारह दिन तक धरना चला। 1 अगस्त का एस.डी.एम. आयके समस्या का निपटावै का आष्वासन दिहिन। तब 12वें दिन ब्लाक अध्यक्ष विजय प्रताप वर्मा धरना कै समापन करिन।
धरना कै मुख्य समस्या केषरूआ निवासी मयाराम वर्मा कै दिवाल तूड़ै वाले के ऊपर कार्यवाही करै व टूटी दिवाल जोड़वावै कै रही। जवन आज तक समस्या कै निदान नाय भै। धरना मा कइयौ समस्या जैसे केषरूआ के फयाराम अउर मयाराम कै दीवाल तूरके गेट लगावै वाले हरिबक्स के ऊपर कउनौ कार्यवाही नाय भै। ग्राम पंचायत केवलापुर मजरा झलिया के रामकल्प कै निजी जमीन पै विपक्षी कब्जा कै लिहिन लकिन पुलिस हटवाइन नाय। कुड़वा जैसिंह मऊ के सीताराम के घर कै अउर बरसात कै पानी विपक्षी रोक दिहे अहैं। बार-बार थानाध्यायक्ष एस.डी.एम. के आदेष के बादौ कार्यवाही नाय भै। तारून ब्लाक पै स्थाई खण्ड विकास अधिकारी कै नियूक्ती जल्दी से जल्दी करै का कहिन। पन्द्रह समस्या का लइके बारह दिन तक धरना करिन। बारहवें दिन एस.डी.एम. पंचायत मा आयके समस्या कै तत्काल सुलझावै के ताई कहिन तब जाएके धरना समाप्त भै।
बारहवें दिन धरना मा प्रदेष अध्यक्ष महासचिव घनष्याम वर्मा, मंडल अध्यक्ष अभयराज ब्रम्हचारी, जिलाध्यक्ष कृष्णचन्द्र वर्मा, ब्लाक अध्यक्ष विजय प्रताप वर्मा, राकेष षर्मा जैसेन कायकर्ता षामिल रहिन।