बांदा में रोड हादसे से गई जान, और कुछ हुए घायल, देखिये घटना स्थल से रिपोर्ट

जिला बांदा ब्लाक बबेरू हिंया 28 जून का दतौरा मोड़ के लगे एक्सीडेंट होइ गा है। फतेहपुर से एक परिवार बांदा का आपन रिश्तेदार के मिटटी मा शामिल होय आवत रहै तबै उनकर एक्सीडेंट होइ  गा जेहिमा तीन  मड़इन के जान चली गे अउर छह मड़ई घायल होइ गें हैं।जिला बांदा ब्लाक बबेरू हिंया 28 जून का दतौरा मोड़ के लगे एक्सीडेंट होइ गा है। फतेहपुर से एक परिवार बांदा का आपन रिश्तेदार के मिटटी मा शामिल होय आवत रहै तबै उनकर एक्सीडेंट होइ  गा जेहिमा तीन  मड़इन के जान चली गे अउर छह मड़ई घायल होइ गें हैं। घायलन का बबेरू के अस्पताल मा दवाई कीन गें है बाद मा बांदा रिफर कई दीन गा है।  मुन्नीलाल समेत कइयौ मड़ई बताइन कि गाड़ी का ड्राइवर सौ के स्पीड से चलावत रहै यहै कारन एक्सीडेंट होइ गा है गाड़ी नीम के पेड़ से टकरा गे है अउर गाड़ी नीचे चली गे है। 1oo नम्बर  पुलिस के गाड़ी अउर एम्बुलेंस एक घंटा बाद आये हैं समय से आ जात तौ मड़इन के जान न जात। इनतान के शासन व्यवस्था के कारन मड़इन के जान जात है। ड्राइवर नुसरत अली बताइस कि गाड़ी मा 9 मड़ई बइठे रहै हन जेहिमा से तीन मड़इन के जान चली गें अउर मड़ई घायल है।बछड़ा रास्ता मा आ जायें के कारन गाड़ी का एक्सीडेंट भा है। चिकित्सा अधिकारी आर.एन.पटेल का कहब है कि चार घायल मड़इन का बांदा रिफर कीन गा है।  बबेरू थानाध्यक्ष के पी.सिंह का कहब है कि गाड़ी सड़क से 3 फुट नीचे तलैया मा गिर गें रहै। दुइ मेहरियन के मौके मा जान चली गे है। मरे वालेंन का पंचायत नामा बनावा गा है। आगे कारवाही कीन जात है।

रिपोर्टर- मीरा देवी और शिवदेवी

Published on Jun 29, 2017