बांदा जिले में हुई जलकर महिला की मौत

बांदा जिला, ब्लाक तिन्दवारी, गांव भिडौरा मा गुड़िया नाम के मेहरिया के जल के मउत होइगें है। ससुराल वाले मउत का कारन गैस सिलेंडर से आगी लागब बतावत हैं अउर मइके वाले आरोप लगावत हैं कि हमार लड़की का जानबूझ के मार दीन गे हैं।
महतारी गीता का कहब है कि मोर लड़की के जायदाद के बांट करावै चाहत रही है। तौ वहिके सास कहत रहै कि आपन लड़की के शादी के बाद बांट करिहौं। बाप रामबुध्द बताइस कि मोर लड़की के जेठ-जेठानी वहिका परेशान करत रहै अउर आगी लगा के मार डालिन है।
सास शिम्मा का कहब है कि मोर बहू अलग रहत रहै। जबै गैस सिलेंडर फूट है तौ वहिके मउत होइ चुकी रहै। शादी के दस-बारह साल होइगें रहैं पै दहेज के कउनौ बात नहीं होत रहैं।
तिन्दवारी थाना एस.ओ.प्रतिमा सिंह का कहब है कि पोस्टमार्टम रिपोर्ट आवै के बाद मउत के कारन का पता चली।

रिपोर्टर- शिवदेवी

Published on Mar 23, 2018