बांदा जिले में छह महीने से टूटी है पाइप लाइन, अधिकारी से लेकर लेबर तक जानकर भी बने हैं अनजान

जिला बांदा, ब्लाक तिन्द्वारी, गांव दोहतरा अउर पदारथपुर। बुन्देलखण्ड मा एक कइत जहां मड़ई खातिर लम्बी दूरी तय करत है हुंवा दूसर कइत इं गांवन मा पइप लाइन टूटे से रोज हजारन लीटर पानी बर्बाद होत है।पानी सड़क मा फइले से सड़क के हालत  बहुतै ख़राब है अउर यहिके कारन कइयौ हादसा भी होत रहत है।पै जल-कल विभाग आश्वासन बस देत है।जल-कल अभियंता आर एल मौर्य का कहब है कि जबै पाइप लाइन टूटे के शिकायत आवत है तौ पाइप लाइन बनाई जात है।
कलावती अउर आराधना  का कहब है कि छह महीना से पाइप लाइन टूट पड़ी है जेहिसे हमार नल मा पानी नहीं आवत आय।गोरेलाल अउर रामबिहारी का कहब है कि हेंया से रोज लगभग 100 साधन निकलत है अउर चार पांच सौ मड़ई पैदल जात है काहे से या में रास्ता आय।पै पाइप लाइन का पानी भरा होय से निकलै मा बहुतै परेशानी होत है।देवेन्द्र कुमार साहू का कहब है कि पाइप लाइन टूटे से रोज लगभग 1000 लीटर पानी बर्बाद होत है।पै जल कल विभाग वाले ध्यान नहीं देत आहीं।

रिपोर्टर-शिवदेवी

Published on Aug 17, 2017