बांदा जिले में एक किसान ने कुएं में कूदकर दी जान

बांदा जिला के जसपुरा गांव के कुम्हरिया डेरा का किसान धीरेन्द्र सिंह 15 अप्रैल का कुंआ मा कूदके जान दइ दिहिस है। परिवार वालेन के अनुसार मउत का कारन कर्ज आय। धीरेन्द्र पिछले साल इलाहाबाद बैंक से पचास हजार का कर्जा लिहिस है। पांच  बिघहा जमीन मा दुई साल से कुछौ न पैदा होय के कारन आज व कर्ज डेढ़ लाख होइगा है।
मृतक का भाई घनश्याम का कहब है कि फसल मा कुछौ नहीं भा आय,व तीन चार साल से तनाव मा रहत रहा है, यहै कारन व आत्महत्या कई लिहिस है अउर इलाहाबाद बैंक का कर्जा रहा है। मृतक का भाई वीरेन्द्र का कहब है कि वहिके परिवार मा चार लोग हैं। दुई लड़का हैं अउर आपन मेहरिया मनसवा| काम कुछौ नहीं करत रहा आय। काहे से वहिके घर मा बीमारी से बहुते परेशान रहा है, अउर फसल नहीं भे रही आय।
बेटा मोहित बताइस कि घर से निकरत समय कुंआ से धम्म के आवाज सुने हौं तौ मोहिका लाग है कि गाय का बच्चा गिर गा का? जबै जाके देखेव  तौ मोर बाप कुंआ मा पड़ा रहै तौ फेर दादा का बुलायहौं। मोहिका कर्ज के बारे में कुछौ पता नहीं आय।

रिपोर्टर-शिवदेवी

Published on Apr 16, 2018