बांदा जिले के सादीमदनपुर गाँव में बालू से लदे ट्रक ने रौंदा साइकिल को, साइकिल चालक की हुई मौत

बांदा जिला के सादी मदनपुर गांव मा साढे 11 बजे एक्सीडेंट भा है। मृत परिवार वाले सड़क मा जाम लगाए हैं, कि उन सबका आरोप है, कि हिंया से भरे ट्रक न निकरै देब। बांदा जिला के सादीमदनपुर गांव निवासी फाजिल का लड़का अनवर अली चिल्ला बाजार साईकिल से जात रहै। वहिके दौरान बालू से लदा ट्रक अनवर का कुचल दिहिस, जेहिसे अनवर के दरे मा मउत होइगे है। पुलिस लाश का पंचनामा करवा के पोस्टमार्टम का भेज दिहिस है।

चौसाद अहमद का कहब है कि जाम या से लगाये हन, कि या दुर्घटना आज भे है आगे अउर होई सकत है, तौ मुख्यमंत्री, डीएम साहब का करिहैं। का हमार मरा मड़ई वापस आ जई का? पूरा गांव मिलके हम या खदान का न चलै देबे। जेहिके खेत से गाड़ी निकरती हैं, वा मड़ई तौ पइसा लइके आपन घर मा बैइठ है, पै जउन दूसर के खेत मा धूरी जात है, जेहिसे वहिके फसल खराब होन जात है, वा का करी? वहिका ना कउनौ भूषा ना गल्ला ना कुछौ देत आय? या खदान यहिके आगे बिलकुल सील होई जाय। मोहम्मद अली बताइस है कि एक्सीडेंट सउहें से आवै मा भा है। लड़का चिल्ला से साईकिल मा आपन घरै आवत रहै। ट्रक वाला पीछे से धक्का मारके, वहे के ऊपर से ट्रक का चढ़ा के निकाल लइगा है। या घटना खदान चले से आय भे है।

चिल्ला थाना के एसओ राकेश सरोज कैमरा आफ बताइन हैं। कि फाजिल अली चालक के खिलाफ मुकदमा धारा 304/289 आईपीसी के तहत मुकदमा लिख गा है। जांच के बाद कार्यवाही कीन जई।   

रिपोर्टर: शिवदेवी

Published on May 30, 2018