बांदा जिले के गोधनी गांव में रंगे हाथ पकड़ा गया कोटेदार

जिला बांदा, गांव गोधनी गांव वालेन का कहब है कि 15 अक्टूबर का 2017  का हम कोटेदार का ढाई सौ लीटर  मिटटी का तेल ब्लैक करत रंगे हाथ पकड़ लीने हन।यहिके सूचना पुलिस का दीने हन। तिंदवारी थाना का एस.ओ.फोन से बताइस कि कोटेदार मेवालाल का डेढ़ सौ लीटर मिटटी का तेल बेंचत पकड़ा गा है, यहिके रपट लिख गे है
विनीत अउर रामचन्द्र यादव बताइन कि दुइ साल से हमें कुछौ नहीं मिलत आय कोटेदार के दुकान नाम खातिर आयकोटेदार सब समान ब्लैक कइ लेत है जबै राशन ले जइत हन तौ वा गंदी-गंदी बात करत है रामनारायण,शिलोचना अउर स्वामीदीन का कहब है कि कोटेदार जनता का मारे डालत है बाहर का रहै वाला आय एक-एक बूंद मिटटी का तेल का तरसावत है कमरा मा गल्ला भरे रहत है अउर बाहर के मड़इन का देत हैं गांव के नब्बे प्रतिशत मड़इन का वा राशन का कुछौ सामान नहीं देत आय
बाईलाइन-शिवदेवी

26/10/2017 को प्रकाशित