बांदा जिले का धीरज नगर मोहल्ला, इंसानों का नहीं बीमारियों का अड्डा

इनतान के हालत है कि निकलब मुश्किल होइ जात है अउर हेंया बीमारिन का अड्डा भी बना है, काहे से हेंया पानी बहे का कउनौ साधन नहीं आय। यहै कारन चारों कइत गन्दगी-गन्दगी देखात हैं। या हालत आय बांदा जिला के धीरज मुहल्ला, वार्ड नम्बर 19 के।
राम जी मिश्रा का कहब है कि पानी मा सांप भी आ जात है तौ बहुतै परेशनी होत है। उर्मिला देवी बताइस कि मड़ई कूड़ा फ़ेंक देत है तौ मच्छर लागत है तौ बीमारी फइलत है। उषा का कहब है कि गन्दगी मा रहित है तौ बुखार आ जात है, पै कउनौ सुनत नहीं आय। कमला मिश्रा का कहब है कि बरसात के महीना मा तौ हम निकले नहीं पाइत आयकाहे से बहुतै पानी भरा रहत है। वीरेंद्र कुमार बताइस कि कइयौ दरकी अधिकारिन के लगे गये हन। चुनाव के समय विधायक भी आये रहे है अउर सड़क बनवावे का कहिन रहै पै बाद मा सब भूल जात है।
नगर पालिका अध्यक्ष मोहन साहू का कहब है कि धीरज नगर नई बस्ती आय, हुंवा नाली अउर सड़क नहीं बनी आहीं। हुंवा के सड़क जइसेन स्वीकृत होइ जई बनवा दीन जई।

रिपोर्टर- शिवदेवी

Published on Feb 19, 2018