बांदा जिला टॉपर काव्या गुप्ता सोशल मीडिया के प्रयोग को क्यों मना कर रही हैं? जानें तो जरा

सीबीएससी बोर्ड का परीक्षा परिणाम आ चुके हैं। बांदा जिला के कोतवाली रोड़ महेश्वरी देवी मन्दिर के लगे के रहैं वाली काव्या गुप्ता 12वीं कक्षा माँ किहिस बांदा जिला टाप कामर्स वर्ग के विद्यार्थी काव्या 95.2% अंक प्राप्त किहिस है। जानित है कि काव्या से वहिके सफलता का राज।

काव्या गुप्ता बताइस कि सोशल मीडिया से दूर रहत हौं। समय का ध्यान राखत हौं, कि केतना समय कउन विषय मा लगावै का है। ज्यादा पढ़ाई किन्हें हौं जेहिका फल आज मोहिका मिला है। ना ट्यूशन पढ़े आहू अउर ना ही कोचिंग किन्हें आहूं। केवल स्कूल मा पढ़े हौं अउर 8 बजे से 10 तक घर मा रात के पढत रही हौं। खूब मेहनत किन्हें हौं यहै से इतना अच्छा फल मिला है। मैं मेंहदी लगा लेत हौं अउर बैटमिंटन बहुते अच्छा खेल लेती हौं। बाप रितेश कुमार गुप्ता का कहब है कि बड़ी गर्व के बात है, कि बिना कोचिंग किन्हें एतना अच्छा रिजल्ट आवा है। पूरे बांदा मा टाप करब। बहुते गर्व के बात है, काहे से पूरे बुंदेलखंड मा बांदा का चौथा स्थान है। महतारी अनीता गुप्ता बताइस कि कबहूँ हमार मदद नहीं लिहिस। सब अपने से पढ़ीस है, भगवान करें, कि आसमान के हर ऊंचाई छुएं मोर लड़की बस, यहै कामना करत हौं। बहन श्रेया का कहब है कि मोर बहनी टाप किहिस है, तौ मोर बाप महतारी महूं का कहत हैं, कि श्रेया भी यहिनतान करेगी, तौ महूं यहिनतान करिहौं।  

रिपोर्टर: गीता देवी

Published on May 30, 2018