बांदा के चर्चा, खराब सड़क मा शुरू काम

B kamasin khabar photoजिला बांदा। दस साल से खराब पड़ी कमासिन से बबेरू सड़क बनै का काम 6 सितंबर से शुरू होइगा। या सड़क खातिर सरसठ करोड़ सतत्तर लाख तीन हजार रूपिया मंजूर कीन गा है। 3 सितंबर का बीस करोड़ तैतिस लाख रूपिया के पहली किस्त भी आ गे है। या जानकारी पी.डब्लूडी. के प्रान्तीय खण्ड से मिली है।
बबेरू से कमासिन के बीच पड़ै वाले दसन गांव के मड़ई या सड़क से बहुतै परेशान रहैं। बेर्राव गांव के राममूरत श्याम सावले अउर खरौली गांव के महतो कहत हैं कि हम रोज या सड़क से सब्जी लइके बेचै बबेरू अउर कमासिन जात हैं। साइकिलन मा लइके जात रहन तौ बड़ी मुश्किल से सफर कटत रहै। अब या मुश्किल सफर के दिन कम होई जइहैं, पै भरोसा तौ तबै होई जबै पूरी सड़क बन जई।वरना कइयौ दरकी या सड़क खातिर बजट आवा अउर पूरा काम नहीं कीन गा।
प्रान्तीय खण्ड के सहायक अभियन्ता के.पी. सिंह का कहब है कि बांदा से राजापुर संख्या 92 चालिस से सरसठ किलो मीटर के बीच बनैं का काम शुरू होइगा है। यहिके लम्बाई कुल अट्ठाइस किलो मीटर है। या सड़क चैड़ी शुरू से बनाई जई।