बांदा का तिंदवारी थाना क्षेत्र, जहां फिर एक मासूम की जिन्दगी हुई तबाह

बांदा जिला के तिंदवारी थाना क्षेत्र एक दरकी फेर शर्मसार होइगा है। 9 फरवरी का खेत मा चारा काटे गे मेहरिया के साथै गांव का एक मड़ई तमंचा देखा के बलात्कार करिस है। आरोपी पहिले भी इनतान के हरकत कइ चूका है। एस. ओ. प्रतिभा सिंह का कहब है कि मुकदमा अपराध संख्या 17/18 धारा 376,323,504,506 आई. पी. सी. के तहत रपट लिख के अपराधी शिवरोमन का जेल भेज दीन गा है।
मेहरिया बताइस कि मैं खेत मा चारा काटे गई रहिहौं, तबै एक मड़ई आवा अउर खेत मा तमंचा देखा के मोरे साथै गलत काम करै लाग। तबै मैं जोर से चिल्लाएं हौं तौ मोर मनसवा आ के मोहिका बचाइस है। मनसवा बताइस कि घटना के समय मैं शौच खातिर गये रहे हौं, तबै मोहिका चिल्लाये के आवाज सुनाई पड़ी तौ वहिका पकड़ लीने हौं। देवरानी का कहब है कि तीन दरकी पहिले भी इनतान के हरकत कइ चूका है, पै पकड़ा नहीं जात रहै, या दरकी पकड़ गा है तौ धमकी देत है कहत है कि तुम्हार बोटी-बोटी करवा देहूं अउर चूड़ी फोड़वा देहूं। रुपिया के बल मा केस वापस ले के अउर समझौता करावे के कोशिश कीन जात है। पै हम समझौता न करबै।  

रिपोर्टर- शिवदेवी

Uploaded on Feb 14, 2018