बाँदा जिले के शिवम् द्विवेदी ने किया जिले का नाम रोशन

जिला बांदा, ब्लाक नरैनी, कस्बा अतर्रा। साइबर सुरक्षा अउर भारत या विषय मा आगरा मा निबन्ध प्रतियोगिता मा शिवम दिवेदी का दूसर स्थान मिला है। यहिसे शिवम बांदा जिला का नाम रोशन करिस है। 17 सितम्बर  का या प्रतियोगिता मा देश भर से आठ हजार छात्र भाग लीन रहै।
शिवम दिवेदी का कहब है कि मोर नाम पहिले निबन्ध प्रतियोगिता मा नहीं आवा आय। पै कोशिश करै  वालेन के कत्तौ हार नहीं होत आय तबै। फेर से कोशिश करेंव तौ आगरा के मुख्य आफिस से प्रतियोगिता मा भाग लें खातिर फोन आवा। मोर बाप मृत्युंजय  दिवेदी अमर उजाला के वरिष्ठ पत्रकार हैं। मोर बाप मोर लेखन मा बहुतै मदद करिस है। मोर महतारी बाप अउर भाई सबै का आशीर्वाद रहा हैं। यहिके पहिले मैं हरिद्वार मा  राष्ट्रीय हिन्दी प्रतियोगिता  मा भाग लीनें रहेंव तौ वहिमा इनाम अउर प्रमाणपत्र मिला रहै। दिल्ली मा  कैंसर पीड़ितन के मदद खातिर चुना गा रहै तबै  मैं कैंसर पीड़ितन दवाई दें का काम कीने रहेव तौ  वहिमा भी इनाम मिला रहै। मैं अतर्रा के ज्ञान स्कूल हायरसेकण्ड्री स्कूल से बारह तक के पढ़ाई कीने हौं फेर अतर्रा डिग्री कालेज से ग्रेजुएट तक के पढ़ाई पूर कीने हौं अब सिविल सेवा के तैयारी करत हौं छोट-छोट इनाम से बड़ी जीत मिलत है

बाईलाइन-गीता देवी

Published on Nov 13, 2017