बाँदा जिले के रिसौरा गाँव के लोगों का नारा, कृषि अंश विकास दो फिर वोट लो

जिला बांदा, ब्लाक नरैनी, गांव रिसौरा हेंया के मड़ई 2017 के विधानसभा चुनाव का बहिष्कार करे का कहत हैं। गांव के अस्सी प्रतिशत मड़इन का सूखा राहत का रुपिया नहीं मिला आय । गांव के मड़इन का नारा हैं कृषि अंश विकास दो, बाद में हमसे वोट लो।
डाक्टर श्री राम दिवेदी का कहब है कि हमार गांव मा कुछौ विकास नहीं आय। स्कूल के लगे खुले में बिजली का ट्रांसफार्मर रखा हैं। जेहिसे बच्चन के करेन्ट लागे का खतरा रहत हैं। 11 हजार के तार हेंया से निकली है। जेहिमा अबै तक 3-4 मड़इन के जान जा चुकी है। अस्सी प्रतिशत किसानन का सूखा राहत का रुपिया नहीं मिला आय। सगले सूखा राहत का रुपिया आ गा हैं। प्रभुदयाल त्रिपाठी बताइस कि सूखा राहत का रुपिया न पावै से गांव के मड़ई गुस्सा हैं। यहै कारन नरैनी से अधिकारी 11 बजे आवै का कहिन रहै, पै अबै तक कोउ नहीं आवा आय। मड़ई सुबेरे से ताके बइठ हैं।
कुंवरिया अउर अरुण दिवेदी का कहब है कि हमार गांव के मुख्य रास्ता बीस साल से ख़राब पड़ा है पांच साल से लगातार नेता अउर विधायक का दरखास दीने हन, पै कउनो रास्ता नहीं बनवावा आय।
कोटेदार गांव के सब मड़इन का राशन नहीं देत हैं। 23 फरवरी से पहिले हमार मांग पूर न होइ तौ हम वोट न देबै ।

रिपोर्टर- गीता

Published on Jan 30, 2017