बाँदा जिले के मऊ गाँव में कारखाने और बटवारे पर महेंद्र ने की बाप की हत्या

जिला बांदा, ब्लाक बबेरू, गांव मऊ 19 जनवरी का महेन्द्र सिंह आपन बाप अउर भाभी सरोज का जान से मार डारिस हैं। बंटवारा के बात का लइके या घटना भे है।पुलिस आरोपी का पकड़ के जेल भेज दिहिस है।
सरोज के भाई सतेन्द्र अउर नरोत्तम बताइन कि हमार जीजा ज्ञान सिंह का अलग चक्की अउर कोल्हू का काम रहैं। महेन्द्र सिंह वहिमा से हिस्सा मांगत रहै। उनकर बाप चार- पांच साल पहिले दुनौ भाईन का बंटवारा कइ दिहिन रहै पै वा अपने भाई ज्ञान सिंह के कारोबार मा हिस्सा मांगत रहै।
महेंद्र सिंह यहै बात का लइ के आपन बाप से कहत रहै। जबै वहिकर बाप नहीं माना तौ फावड़ा से काट डालिस है। जबै हमार बहिनी सरोज बचावै आयी तौ वहिका भी जान से मार डालिस हैं।
सरोज का देवर कल्लू बताइस कि महेन्द्र सिंह नशेड़ी आय। रुपियन खातिर वा बाप अउर भाभी का जान से मार डालिस है। सरोज का मनसवा ज्ञान सिंह का कहब है कि हमैं अबै भी जान का खतरा है। पुलिस हमार मदद नहीं करत आय।
एस .पी .श्री पति मिश्रा का कहब है कि महेंद्र सिंह आपन बाप अउर भाभी का फावड़ा से काट के मार डालिस है। यहै कारन वहिका धारा 302 के तहत पकड़ के जेल भेज दीन गा है।

रिपोर्टर- गीता

Published on Jan 24, 2017