बाँदा जिले के नरैनी में लोग ज्यादा और कम्बल सिर्फ सौ

जिला बांदा, ब्लांक नरैनी तहसील नरैनी मा 20 दिसम्बर का कम्बल बांटे के खबर सुन के आस–पास गांवन के तहसील मा बहुतै मड़ई जुहान रहैं। मड़इन के भीड़ तौ ज्यादा रहै पै सौ कम्बल बस बांटे गे है। बांकी मडइन का खाली हांथ लउटे का पड़ा है।
इंद्रानगर के राजकुमारी का कहब है कि हम गरीब मड़ई दुई साल से कम्बल खातिर लउटित हन। पै कम्बल नही देत है। झाड़ू,कूंचा के कउनौतान आपन जिन्दगी बसर करित हन। पै हमार कउनौ सुनवाई नही होत है।
नरैनी से आई विजया अउर केसर बताइन कि हम तीन साल से लगातार कम्बल खातिर अइत हन पै हमै हर दरकी खाली हाथ लउटे का पड़त है। या दरकी भी हमै कम्बल नहीं मिला है। लिस्ट मा हमार नाम है पै कम्बल नहीं देत है। हमार जइसे गरीब मेहरियन का हर दरकी आसरा से आउती है। इनतान के ठंडी मा वापस लउत जात है। नरैनी तहसील के कर्मचारी का कहब है कि जउन मड़इन का कम्बल नहीं मिला आय उनका दुबारा कम्बल बांटा जई। यहिके खातिर बांदा ए डी एम का दरखास लिख दीन गा है।

रिपोर्टर- गीता

28/12/2016 को प्रकाशित