बाँदा जिले के कताई मील के पास एक ही परिवार के चार लोगों की हुई हत्या, मचा कोहराम

30 जनवरी के रात बारह बजें बांदा जिले के पल्हरी कताई मील के लगे एकै परिवार के चार मड़इन के धारदार हथियार से हत्या कइ दीन गे हैं। यहिसे पूर गांव मा दहशत का महौल है। हत्या के कारन का अबै तक पता नहीं चला आय।पुलिस मौके मा पहुंच के जांच शुरू कइ दिहिस है।
मरै वाले का भतीजा बताइस कि सुबेरे पांच बजे घटना का पता चला है।हम सोचेन चाचा,चाची सोवत है, जबै जाके देखेन तौ घटना होइ चुकी रहै। भाई रघुनंदन का कहब है कि मोर भाई महादेव वहिके मेहरिया चुन्नी अउर उनकर दुई बच्चा पवन अउर राजकुमार के हत्या भे हैं। छोट लड़की या घटना का देखिस है। घर मा खून के धब्बा अउर साफी मिली है। या घटना देखै खातिर अधिकारी अउर मड़ई सबै आये हैं।पड़ोसी राजा का कहब है कि लड़की बताइस है कि मोर महतारी बाप का गोलू चाचा काट डालिस है। तबै हम सोचेन लड़की झूठ बोलत है।
डीआईजी ज्ञानेश्वर तिवारी का कहब है कि एकै परिवार के मेहरिया, मनसवा अउर उनकर दुई बच्चन के हत्या भे हैं, दुई बच्चा बच गें हैं। घटना के जांच चलत है।

रिपोर्टर- शिवदेवी

Published on Jan 31, 2018