बाँदा जिले के अलोना गाँव में नेहा की कैसे हुई हत्या?

25 जनवरी का बांदा जिला के अलोना गांव मा तेरह साल के नेहा के मउत होइ गें है। नेहा के मामा का आरोप है कि नेहा के हत्या वहिके बहिनी रानी अउर बहनोई रामसजीवन करिस है। आरोपी बहिनी अउर बहनोई फरार हैं। या घटना के रपट लिखा दीने हन।
नेहा के मामा कालका प्रसाद अउर कृष्णा कुमार का कहब है कि नेहा का वहिके बहिनी बहुतै मारत पीटत रहै अउर करेंट भी लगावत रहै। नेहा आपन बाप का फोन करिस तौ बाप भी धमकी दिहिस है। लगभग सात साल पहिले नेहा के महतारी के भी हत्या कइ दीन गें रहै। तबै हम समझौता कइ लीने रहेन। समझौता मा नेहा का पचास हजार रुपिया दे का कहा गा रहै। यहै वहिके मउत का कारन बना है। फेर नेहा का बाप दूसर शादी कइ लिहिस रहै। बाप अउर सौतेली बहिनी मिलके नेहा का मार डालिन है। दूनौ के खिलाफ रपट लिखा दीने हन। मामी मखनिया का कहब है कि नेहा का वहिके सौतेली बहिनी लेवा गे रहै अउर मार डालिन है। पैलानी थाना के एस. ओ. राजीव कुमार का कहब है कि घटना के जांच चलत है। पोस्टमार्टम रिपोर्ट आवे के बाद मुकदमा लिखा जई।

रिपोर्टर- शिवदेवी

Published on Jan 30, 2018