बाँदा जिले के तिंदवारी के जरिया गाँव में बिन पानी आया बिल

जिला बांदा, ब्लाक तिन्दवारी, गांव जरिया एक साल पहिले 15 मड़ई पानी के कनेक्शन कराइन रहै। मड़इन का पानी तौ नहीं मिला पै छह महीना के पानी के बिल आ गा हैं।
शांती का कहब हैं कि नल का कनेक्शन तौ होइ गा है पै वहिमा पानी नहीं आवत आय यहै कारन मोहिका हैण्डपम्प मा पानी भरे जाये का पड़त है। हुंवा पानी खातिर मेहरिया मारपीट करत है अउर गाली भी देत है।
मुन्ना प्रसाद दीपचन्द्र अउर नीरज का कहब है कि हमार गांव मा तालाब आहीं न एकौ कुंआ आहीं। 2 सौ मीटर के दूरी मा हैण्डपम्प हैं। जानवर अउर मड़ई सबै पानी खातिर तरसत हैं। बरसात मा पाइप लाइन देखाये लागत है जेहिका मड़ई फाड़ देत है यहै कारन नहीं आवत आय।
14 महीना पहिले कनेक्शन भा रहै तबै रुपिया लाग रहै पै कउनौ रसीद नहीं मिली आय।पै 3 महीना बाद 363 का बिल आ गा है।
प्रधान सुरेश वर्मा बताइस कि पाइप लाइन फटे के कारन पानी के सप्लाई नहीं होत आय।जेई धनन्जय का कहब है कि छह महीना का 353 रुपिया बिल भेजा गा है।अब लोहे के पाइप डलवा दीन गें है जेहिसे पाइप लाइन फटे के समस्या खतम होइ गें है।

रिपोर्टर- शिवदेवी

27/04/2017 को प्रकाशित