बाँदा के स्योढा नेहालपुर और काजीपुर गाँव में तीन औरतों की मौत, एक गंभीर रूप से घायल

जिला बाँदा, ब्लाक महुआ, गांव स्योढ़ा नेहालपुर अउर काजीपुर जुलाई 21 का मिट्टी का टीला धंसै से तीन औरतन के दरे मा मौत होइगे अउर एक लड़की गम्भीर रूप से घायल होइगे है। या घटना से गांव मा दुख का माहौल बना है।
मिट्टी के टीला मा दब के मरै वाली संगीता के बाप शिव प्रसाद का कहब है कि मोर लड़की घर लीपै खातिर मिट्टी लें गई रहै। वहिके साथै पू्रन अउर सुरजन भी गई रहै। उंई तीनौ लोग मिट्टी खोदै लाग तौ अचानक टीला धंसक गा । जेहिसे उंई मर गें हैं। पड़ोस के मड़ई आ के बताइन तौ जा के उनका निकारा गा रहै। अब मोर लड़की संगीता कसत मिली।
पूरन लाल का कहब है कि मोर औरत मिट्टी लें गे रहै। वहिका का पता रहै कि आज मैं घर लउट के ना आ पइहौं ।
काजीपुर गांव के पूर्व प्रधान रामकिशोर का कहब है कि घर के लेपाई पोताई का पूर काम औरतै करत हैं। या कारन से उनका मिट्टी के जरूरत परत है। औरतै मानत नहीं आय जबैकि या पता रहत है कि या टीला धंस सकत है। दूसर बात मनसवा कत्तौं मिट्टी खोदै नहीं जात हैं। जगदीश का कहब है कि दुई साल पहिले मोर लड़की लीला 19 सितम्बर का यहै खदान मा मिट्टी खोदै गे रहै तौ वहिके कमर टूट गे रहै।वहिका इलाज कानपुर मा करायेंव,पै नीक नहीं भे आय।मोर इलाज मा चार लाख रुपिया का कर्जा होइगा है।
नरैनी तहसीलदार राजेश कुमार का कहब है कि भूमि संरक्षण विभाग का चिट्ठी लिखी जई।अगर मुआवजा अई तौ मिली
रिपोर्टर- मीरा देवी और गीता
02/08/2016 को प्रकाशित

टीला धंसने से जान का ख़तरा
बाँदा के स्योढा नेहालपुर और काजीपुर गाँव में तीन औरतों की मौत, एक गंभीर रूप से घायल