बाँदा के तिंदवारी ब्लॉक के बम्बियां गाँव में लोग प्रशासन से निराश

जिला बांदा, ब्लाक तिन्दवारी,गांव बम्बिया हेंया के लोग कालोनी न मिलै से परेशान है। उनके लगे येत्ता रुपिया नहीं आय कि अपने कमाई से घर बनवा सकेै। यहिसे मड़ई पन्नी डार के रहै का मजबूर हैं । प्रधान सचिव अउर ब्लाक मांग कीन गे ,पैै कालोनी नहीं मिली आय।
गांव के गीता का कहब है कि प्रधान का वोट ले का रहै तौ हाथ जोड़त रहैै कहत रहैैै कि मोिहका वोट देहौ तौ तुम लोगन का कालोनी देहूं । अब जीत गा है तौ मुड़ के तक नहीं देखत आय। मोरे सास ससुर भी यहिनतान आपन जिन्दगी पन्नी डार के गुजार दिहिन हैं ।
चुनिया का कहब है कि हम लोग कालोनी के पात्र मड़ई आहिन। रोजैैै के खाय कमाये वाले मड़ई आहिन। प्रधान हमार कउनौ सुनवाई नहीं करत है अगर प्रधान एक कालोनी दई दे तौ हमार समस्या ख़तम होई सकत है। पानी बरसत है तौ घर के भीतर भर जात है। यहिसे पूर गृहस्थी गीली होई जात है।
राजरानी का कहब है कि घर के भीतर बीस साल से पानी भरैै के समस्या से जूझत हौ। घुटना से पानी रहत है। वहिका उलीच के फ़ेकित हन। यहिके बाद खाना बनावत हौ। नही तौ दिन भर भूखे रहै का परत है। बीस साल से कालोनी के मांग करित हन ,पै कालोनी नहीं मिलत है। सरकार तौ गरीबन खातिर कालोनी दे के व्यवस्था कीने है,पै तबहूं गरीब भटकत फिरत हैं ।
खंड विकास अधिकारी रजनीश कुमार शुक्ला कहिन कि २०15 अउर 16 मा वा गांव लोहिया भा रहै तौ एक सौ तेरह शौचालय अउर ग्यारह इंद्रा आवास आय रहै तौ लोगन का दइ दीन गे रहै।
25/07/2016 को प्रकाशित

पन्नी से घर ढकते हैं बरसात में
बाँदा के तिंदवारी ब्लॉक के बम्बियां गाँव में लोग प्रशासन से निराश