बाँदा के अतर्रा कस्बे के सुभाष नगर में घरों के अंदर नाले का पानी

जिला बांदा, ब्लाक नरैनी,क़स्बा अतर्रा ,मोहल्ला  सुभाष नगर हेंया के लोगन का कहब है कि दुई साल से बरसात के समय नाला का पानी घरन के भीतर भरा रहत है। काहे से कि नगर पालिका वाले नाला के सफाई नहीं करवावत हैं।
मोहल्ला के ममता का कहब है कि नाला का पानी भरा होय से बीमारी होय का खतरा बना है। मोरे दुई लड़का हैं उंई दूनौ बीमार हैं। पानी भरा होय के कारन बूूढ़ मड़ई अउर छोट बच्चा गिर जात है। यहिसे उनके चोटावै का डेेर बना रहत है।
मीरा का कहब है कि नगर पालिका मा सफाई करवावै खातिर कहा गा,पै ध्यान नहीं दीन जात है। अगर मशीन से नाला के सफाई करवा दीन जाये तौ हमार समस्या खतम होई सकत है। मिथलेश कुमार उपाध्याय अउर अर्चना कहिस कि घर के भीतर पानी भरा है। यहिसे मंदिर पूजा करै नहीं जा पाइत हन। छह फुट गहरा नाला है। मजदूर नाला मा नहीं उतर सकत हैं। नाला के सफाई मशीन से होय तौ सही रहै। नगर पलिका के बाबू पवन कुमार कहिन कि नाला के सफाई बराबर कराई जात है।
रिपोर्टर- गीता 
03/08/2016 को प्रकाशित

बाँदा के अतर्रा कस्बे के सुभाष नगर में घरों के अंदर नाले का पानी