बलात्कार के आरोपी का भै जेल

mahila mudda copyजिला फैजाबाद। हिंआ के एक उन्नीस साल के लड़की कै आरोप बाय कि गांव कै ही एक लड़का शादी कै झूंठा झांसा दइके पांच साल तक बलात्कार करिस। डर के वजह से लड़की केहू का नाय बताइस।
पीड़ित लड़की बताइस कि हम अपने सहेली से मिलैगै रहेन। तौ उनकै भाई कहिन कि हइन अन्दर आइजा। जब अन्दर गयन तौ हमार सहेली नाय रहिन। सहेली कै भाई अविनाश हमैं चाय मा कुछ मिलाय दिहिन। हम बेहोश होय गयन। जब होश आय तौ हमै कुछ शंका लाग। हमरे साथे बलात्कार कइके वीडियो बनाये रहिन। अउर हमरे साथे धमकी दइके रोज बलात्कार करत रहिन। फिर एक साल बाद हमैं छोड़िके चला गइन तौ हमरे घरवाले हमैं घर से निकार दिहिन। 29 मई 2016 का फिर लड़का कै फोन आय अउर हमैं मिलै के ताई बुलाइस। वकरे बाद हमैं सहादतगंज के एक स्कूल मा लै गै अउर बलात्कार करै कै कोशिस करिस। जब हम चिल्लानेन तौ गांव वाले आय गइन। अउर लड़का का पुलिस के हवाले कै दिहिन।
कैंट थाना कै पुलिस बताइन कि मुकदमा लिखागै बाय। आरोपी का पकरिके चलान कै दीनगै।