बलात्कार का मामला सामने आवा

जिला चित्रकूट, ब्लाक रामनगर। हिंया के एक गांव मा 10 नवम्बर 2014 का 15 साल के लड़की साथै बलात्कार करैं का मामला सामने आवा हवै। लड़की का बाप रैपुरा थाना मा 11 नवम्बर 2014 का रपट लिखाइस हवै।
लड़की का बाप बताइस कि मोर लड़की 12 बजे दिन मा बोर मा पानी पियै जात रहै। लड़की के उमर 15 साल हवै। 35 साल का शिवपूजन वहिके साथै बलात्कार करिस हवै। तबै छोट-छोट लड़का देखिन अउर जाके घर मा बताइन । हम तुरतै रैपुरा थाना मा सूचना फोन द्वारा दीन हवै जबै तक पुलिस पहुंची तौ शिवपूजन भाग गा रहै। थाना मा रपट लिखा के कारवही के मांग कीन हवै।
रैपुरा थाना के मुंशी रामगोपाल का कहब हवै कि 10 नवम्बर 2014 के घटना आय। मामला के रिपोर्ट लिख गे हवै। मुकदमा संख्या, 234/14 धारा 363 भगा के ले जाना, 366 (बहला फुसला के ले जाना) 376 (बलात्कार) लाग हवैं। शिवपूजन का जेल भेज दीन गा हवै।