बरसात शुरू, नई भई नालिन की सफाई

15-07-15 Mahoba Jaitpur - Naali Safaai webजिला महोबा, ब्लाक जैतपुर, कस्बा बेलाताल, बीज गोदाम ऊसे तो प्रधानमंत्री नरेन्द्र मोदी ने सफाई अभियान चलाओ हतो। ऊखी हकीकत जानी जाये तो कछू ओर हे। गांव की होय जा फिर कस्बा की नालिया कूड़ा से बुजी परी हे। बरसात को पूरो पानी घरन में भर जात हे।

बालमुकुद, गोपाल ओर परिक्षत बताउत हे कि हमाये दुकान में पानी भर जात हे। जीसे नाली की हमें खुद सफाई करने परत हे। पूरी नाली कूड़ा से भरी रहत हे। कभऊं सफाई कर्मी सफाई करन नई आउत हे। पानी नई निकर पाउत हे। मुन्ना ओर रीता कहत हे कि प्रधान से केऊ दइयां कहो नाली सफाई करा देय ऊ नई सुनत हे। एई से हम बोहतई परेशान रहत हे। जोन दिन पानी बरसत हे ऊ दिना हम रात दिन जागत हे। बाल्टी ओर डिब्बा में पानी भर के बाहर फेंकने परत हे। अगर सफाई हो जाये तो पानी हमाये भीतर न भरहे। ऊसे तो केऊ तरह के अभियान चलाउत हे पे एते कछू नई होत हे।

प्रधान हरिमोहन बताउत हे कि आदमी नाली से निकरे खे लाने पटिया जा फिर माटी डार के रास्ता बनाये हे। में केऊ दइयां सफाईकर्मी खा लेके सफाई कराउन गओ हों ओते आदमी सफाई नई करें देत हे। सफाई न करायें को झूठो आरोप लगाउत हे।