बरसात में भी पानी खे परेशानी

पानी से परेशान आदमी
पानी से परेशान आदमी

जिला महोबा, ब्लाक कबरई, कस्बा खन्ना। एते के मेन रोड वार्ड नम्बर दो पे पानी की पाइप लाइन एक सप्ताह से खराब हे। जीसे ऊ लोगन खे बोहतई परेशानी आउत हे।
दिनेश, सरीफ, राना, नसीर उमेश ओर लखन ने बताओ कि हमाए एते पाइप लाइन टूट जाए से एक हफ्ता से पानी की बोहतई परेशानी हें। एते लगभग तीस दुकानें हे जीसे आदमी दुकान में सौदा लेए आउत हे तो पानी मांगत हे। एते एकऊ हैण्डपम्प नइयां। जीसे कुंआ से पानी लाउत हे,। हम लोग बूँद -बूँद  पानी खे तरसत हे। हम सोचत हे कि पाइप लाइन बन जाए तो नींक हो जेहे।
जल संस्थान के आपरेटर नाथूराम ने बताओ कि पुरानी पाइप लाइन डरी हती ऊ टूट गई हे। एई से पानी एक हफ्ता से नई भेजो जात हे। अब नई पाइप लाइन डरत हे। कछु जगह में डर गई हे ओर बाकी जगह में डरे खें नाला खुद गओ हे। पूरे में पाइप लाइन जल्दी ही डर जेहे। जीसे सबखा पानी मिलन लगहे।