बदचलन को आरोप लगा के घर से भगा दओ

M bamhauri khurd sauchalye fजिला महोबा, ब्लाक कबरई, गांव सलारपुर। एते के गुड्डो की शादी बीस साल पेहले कालीपहाड़ी गांव में बीरपाल के साथे भई हती। पे ससुराल वालेन चाल चलन की खाराब बता के घर से निकार दओ हे। गुड्डो आपने तीन बच्चन खा लेके न्याय के लाने कोर्ट के चक्कर लगाउत हे।
गुड्डो बताउत हे की चार साल पेहले मोये आदमी की तबियत खराब हो गई हती। जीखे इलाज में मेने आपन सब जेवर बेच के लगा दओ। मोये तीन बच्चा भी हे, परिवार भुखमरी के कगार में आ गओ हतो। बच्चन खा ससुराल मे सास ससुर ओर आदमी के सहारे छोड़के मे अपने भाई के साथे दिल्ली मजदूरी करन चली गई। ससुराल वालेन ने बच्चन खा भी मार के घर से निकार दओ। कहत हते की तोई मताई भाग गई हे तुम सब एते से जाओ, लड़का बिटिया मोये मायके गये ओर फोन से सब बात बताई। में दिल्ली से वापस आई ओर ससुराल गई तो अब ओते नई रहेे देत हे। मेंने बिटिया की शादी करी हती तभे ससुराल गई हती, तभऊं नई रहें दओ। एई से मेने जुलाई 2015 से खाना खर्चा को मुकदमा लगा दओ।
गुड्डो को वकील दशरथ कहत हे की खाना खर्चा ओर घरेलू हिस्सा को मुकदमा चलत हे।
आदमी वीरपाल कहत हे की गुडउो खुद हमाये एते नईं आई हे ऊ चाल चलन की खराब हे एई से हम घर नईं राखो हे।