बटाई छई पेन्सन के रूपईया

sitamarhi gaanvse pic smallजिला शिवहर, प्रखण्ड तरियानी में कुम्हरार पंचायत के लोग सबके वृद्धा पेन्सन के रूपईया वितरण कयल गेलई। जेइमें लगभग एक सौ लोग के पेन्सन मिललई। इ वितरण 9 मार्च 2013 के भेलई।
   एई पंचायत के ताजपुर गांव के सुनैना देवी, लदौड़ा गांव के चन्द्रमाझी कहलथिन कि चउरचने बेर के रूपईया मिलल रहलइय। ओकरा बाद अभी छौ महिना के बारह सौ रूपईया मिललकह। पंचायत सचिव रमानन्द राय कहलथिन कि अढ़ाई सौ लोग के वृद्वा पेन्सन, लक्ष्मी वाई योजना के तहत रूपईया आयल हई। जेईमें एक सौ लोग के वितरण हो गेल हई अउर लोग के हो रहल हई। एही लेखा से सीतामढ़ी जिला के प्रखण्ड पंचायत बथनाहा पश्चिम में भी 8 मार्च 2013 के पचपन पेन्सनधारी के रूपईया के रूपईया देल गेलईं। रूपौली पंचायत में 9 मार्च 2013 के एक सौ सत्तर लोग के पेन्सन मुखिया अउर पंचायत सेवक मिलके वितरण कलथिन।
   मुखिया देवी, कुसमी देवी कहलथिन कि हमरा सबके इ लगा के दुबरे रूपईया मिललकह। पंचायत सेवक विरेन्द्र सिंह कहलथिन कि इ रूपईया पुरनका पेन्सनधारी के मिललई है नयका बला के अभी न मिल रहल हई। ऐकरा बाद नयका वाला के पेन्सन अतई।