बजबजात हें नाली

द्वारे में सफाई करत पेमा
द्वारे में सफाई करत पेमा

जिला महोबा, ब्लाक जैतपुर, गांव रगौलिया खुर्द। ई गांव में दो साल से सफाई नई भई आय। जीखे कारन पूरे नाली को गन्दा पानी रास्ता में फेलत हे, पे प्रधान बालादीन कछू ध्यान नई देत आय।
क्रान्ती बताउत हे कि हमाये गांव में दो साल से कोनऊ सफाई कर्मी सफाई करे नई आउत आय। जीसे नाली को गन्दो पानी हैण्डपम्प की चरही में भर जात हे। हैण्डपम्प में ओई नाली को गन्दा पानी निकरत हे। जीखा आदमी पियत हें। प्रेमा बताउत हे कि जभे हमाये द्वारे में ज्यादा गन्दगी हो जात हे तो अपने हाथन से सफाई कर लेत हें।
प्रधान बालादीन बताउत हे कि पूरे गांव के आदमी शिकायत करत हें। दीपावली के पेहले सफाई कर्मी कामता खा सफाई करें खा कहो हतो तो ऊ लड़े खा तैयार हो गओ हतो। एईसे ए.डी.ओ. खा दरखास देके ऊखे हटाये के मांग करी हे।
सफाई कर्मी कामता कहत हे कि में रोज सफाई करें जात हों। प्रधान ओर गांव के आदमी झूठ बोलत हें।