बजट न होंय के कारन नहीं बनी रास्ता

m gao khabar sadak photoजिला महोबा, ब्लाक चरखारी ओर अण्डवारा। ई गांवन के आदमी पीढ़ी बीते के बाद भी गिलाव से निकरें के लाने मजबूर हे। जभे कित्ते नेता ओर प्रधान के चुनाओ हो चुके हे।
ब्लाक चरखारी, गांव रिवई, वार्ड नम्बर 4 के चन्द्रभान सक्सेना, लखन ओर रामजीवन कहत हे की जा रास्ता पांच साल से खराब परी हे। हम लोगन खा ई रास्ता से पांच साल से निकरत हो गये हे। पूरी रास्ता धस गई हे, बड़े-बड़े गड्ढा हो गये हे। आदमियन के घरन को पानी रास्ता मे पानी भरो रहत हे, गड्ढा दिखाई नईं देत। हम ई रास्ता से दिन भर निकरत हे। हमाये बच्चा गिर जात हे। लगत हे रास्ता बन जाये तो नींक हो जाये।
प्रधान भजनलाल कहत हे की हैंण्डपम्प ओर घरन को पानी भरत हे। जीसे निकरत नईं बनत हे। मोये पास भी बजट नइयां की रास्ता बनवाई जा सके।
एसई ब्लाक पनवाड़ी, गांव जखा एते को दयाराम अहिरवार राजेन्द्र ओर छिद्दी कहत हे की जा रास्ता हमाये खेत जायें वाली हे। दस साल पेहले एते डामर रोड बनी हती। जोन बिलकुल उखड़ गई हे। अब ई साल तो बरसात नईं भई हे नई तो जानवर नई निकर पाउत हे एसी मचत हे। प्रधान से कहो हे। जमीन नई जोत पाउत हते। काय से टैक्टर नईं निकर पाउत हते।
प्रधान राजेश अहिरवार कहत हे की तीन सी.सी. रोड गांव में बनवाई हे। बजट न होंय के कारन नईं बनी हे। जितो बजट हतो उत्तो काम पुरो करा दओ हे।