बच गे मउत के घटना घटत

padohara gavजिला बांदा, ब्लाक तिन्दवारी, गांव पड़ोहरा। हेंया के चन्द्रपाल का आरोप है कि 19 अप्रैल का रात बारह बजे रामभवन हत्या करैं के नियत से वहिके औरत शारदा के ऊपर चढ़ के बइठ गा। उंई दूनौ रामभवन के पिटाई कई दिहिन। पुलिस रपट लिखिस है। शारदा का कहब है-“रामभवन 315 बोर का तमंचा अउर दुई कारतूस लइके छत मा चढ़ आवा। मोरे गले मा तमंचा लगा दिहिस। मैं चिल्लायेंव तौ मोर पति आगा हम दूनौ वहिके खूब पिटाई कीन। पुलिस का फोन करेंव तौ मौके मा पुलिस वहिका पकड़ के प्राइवेट अस्पताल मा इलाज खातिर भर्ती कई दिहिस है।” एस.ओ. के बयान लें मा रामभवन कहिस कि मैं दारू के नशा मा छत चढ़ गये रहांै। मोहिका देख शारदा चिल्ला दिहिस तौ दूनौ जने मिल के मोरे साथै मारपीट करिन हैं। ऊपर से मोरे ही खिलाफ रपट कई दिहिन हैं। पैलानी थाना का दरोगा अमर सिंह कहिस कि रामभवन के खिलाफ मुकदमा लिख गा है। मुकदमा मा धारा 307 (हत्या करै के कोशिश) अउर 325 (असलहा के बल मा अपमान करब) लाग है। रामभवन जइसे लोगन का सजा मिलब जरूरी है।