बंद परल स्टेट बोरिंग

state boarding gav ed wजिला सीतामढ़ी, प्रखण्ड डुमरा, पंचायत, गांव पुनौरा। उहां एगो स्टेट बोरिंग हई मगर चालू न हई। जेई कारण किसान के खेती करे में दिक्कत हो रहल हई।
उहां के रामफल यादव, भिखाड़ी साह, लगभग बीस किसान कहलथिन इहां स्टेट बोरिंग दस साल से खराब हई। प्राईवेट से दु सौ रूपईया घण्टा पानी पटावे में खर्च लगई छई। पहिले स्टेट बोरिंग चालू रहलई त सब खेती करे में सुविधा रहलई। अब केतना किसान के जमीन पानी के बिना बंजर बन गेल हई।
मुखिया सुनिल कुमार कहलथिन कि स्टेट बोरिंग दस साल से बंद हई। सिंचाई विभाग के कोई कर्मी देखे न अबई छथिन।
सिंचाई विभाग के कार्यपालक अभियंता वनवारी सिंह कहलथिन कि प्रखण्ड डुमरा में इक्कीस गो स्टेट बोरिंग चालू हई जेईमें दस गो बंद हई। हम शिवहर अउर सीतामढ़ी जिला के लेल एक ही कार्यपालक छी कर्मी लोग रिर्पोट बना के देई छथिन उहे देखई ले अउर आगे काम के लेल आदेश देईले। कम वोल्टेज अउर नाला खराबा होये से बंद हई।