फैजाबाद में बांटी गई साइकिल -कही चुनाव प्रचार तो नहीं

जिला फैजाबाद, सिविल लाइन 15 दिसंबर का फैजाबाद जिला मा मनरेगा मजदूर का साइकिल बांटी गय। साइकिल वन राज्यमंत्री पवन पाण्डेय द्वारा बांटी गय। कुछ मनई एका चुनाव प्रसार कहत हइन। काहे से यतना दिन से कहां रहिन। मजदूरन के परेशानी अब इनका काहे देखान। वजह चाहे जवन हुवय मजदूरन का साइकिल मिली वै यही से खुश अहैं।
डी.एम. विवेक कुमार कै कहब बाय कि यै जवन मजदूर भाई अहैं येहि दूर दूर से आय अहैं। इनके प्रति सरकार कै, शासन कैहमरे प्रशासन कै धन्यवाद ज्ञापन बाय। रामवती कै पति कै कहब बाय कि कार्ड भी मिला बाय श्रर्मिक कार्ड भी मिला बाय। जेतना काम किये हई वकै टोकन भी मिला बाय।
मया ब्लॉक के बबुआ कै गीता के कहब बाय कि साइकिल हमरे नाम से मिले। जेतना काम करे हई वकै टोकन भी मिला बाय। राधेश्याम अरवत कै कहब बाय कि रामभरोसे नेता भराये रहिन ज्यादा जानकारी नाय बाय।हमरे मेहरारू के नाम से साइकिल मिले।शान्ति नन्दापुर मसौधा ब्लॉक कै कहब बाय कि नवम्बर मा फार्म भरे रहेन आज साइकिल मिले।

रिपोर्टर- संगीता

22/12/2016 को प्रकाशित