फैजाबाद में छाया छात्रसंघ का चुनाव

जिला फैजाबाद, साकेत महाविद्यालय मा 8 दिसम्बर का छात्रसंघ चुनाव भए जेहमा कइयो छात्र भाग लिहिन। सबके वादा अउर दिलाशा के बाद आखिर जीत भए महामंत्री पद पै रजनीश वर्मा, उपमहामंत्री नागेश प्रताप सिंह अउर अध्यक्ष पद पै पहली ब़ार जीत हासिल करिन एकता सिंह। सब छात्र के शिक्षा अउर स्वास्थ्य व्यवस्था का सुधारै कै वादा करिन।
वोट डराय आई स्कूल कै छात्रा शिवांगी कै कहब बाय कि जीत के काव करे ई नाय पता लकिन जबसे हम पढ्त हई तबसे एकता सिंह कहत रहिन की वोट हमै दिहिऊ। तौ हम वोट उनहीं का दिहन।
जिला छात्र प्रमुख ए.बी. वी .पी उमा वर्मा कै कहब बाय की जीत के बाद ए.बी. वी .पी कै छात्र छात्रा वादा पूरा कराथिन। जबसे हम जीतेन पूरे कैम्पस कै सफाई भए।लायब्रेरी मा नई किताब लावै के ताई ज्ञापन दीन गा बाय।स्पोर्ट्स कै व्यवस्था नाय रही ज्ञापन दिये के बाद सुबिधा दीन गए अउर अब सब खेलाथिन।कामन रूम शौचालय कै सब कै व्यवस्था कीन गए बाय।
अध्यक्ष पद कै उम्मीदवार एकता सिंह कै कहब बाय कि हम हमरे स्कूल मा पानी पियै कै व्यवस्था सही नाय बाय। अउर छात्रा के ताई फीस काउन्टर बढ़ावा जाय। पहला उद्देश्य शिक्षा मा सुधार सब पढ़े सब बढे इहै सपना बाय।

रिपोर्टर- मनीषा

13/12/2016 को प्रकाशित