फैजाबाद जिल के खवासपुर गांव के निवासी पुरानी और नई पाइपलाइन के बीच फ़स गए हैं

जिला फैजाबाद, खवासपुरा कालोनी गर्मी कै शुरुआत होतै ही मनइन का पानी कै समस्या परेशान करै लागाथै। कोतवाली क्षेत्र के अमानीगंज खवासपुरा के मनइन कै आरोप बाय की पुरानी पाइप लाइन मा जवन पानी आवाथै वहमा कीड़ा रहाथे। नई पाइप लाइन बिछीबाय लकिन आज तक चालू नाय कीनगए। अब आसपास के नल से भी बरसात के वजह से गन्दा पानी आवत बाय।
खवासपुरा के अब्दुल कलीम कै कहब बाय कि पानी कै समस्या यहि बहुत ज्यादा बाय। हैण्डपम्प मा कूड़ा कचरा के साथ साथ बालू भी आवाथै।हिंया कै सभासद कबहूं देखै तक नाय अउतिन।कबहूँ सफाई नाय हुवत। चुनाव जब आवाथै तब बड़ी बड़ी बात कराथिन।वकरे बाद भूल जाथिन। अब्दुल कै कहब बाय की जवन आज से पांच साल पहले रहिन उनका अउर जवन वर्तमान मा बाटिन उनहूँ का लकिन केहू नाय सुनिस। घूमके देखिन तक नाय की जनता कै समस्या काव बाय।
खवासपुरा के अहमद कै कहब बाय कि पुरानी पाइप दब चुकी बाय।जेसे वहमा कीड़ा पैदा हुआथे। अगर सही कराय जाय तौ कीड़ा न आवै। नई पाइप पूरे शहर मा बिछाई गए बाय लकिन येहमा पानी नाय आय। लाइन हर जगह जोड़ी गए लकिन येही गली मा नाय जोड़ी गए।केहू का वतना समय नाय बाय की जायके शिकायत करै।
खवासपुरा कै सभासद सरोजनी सिंह कै कहब बाय की आज तक केहू हमसे शिकायत नाय करिस। जब तक केहू शिकायत न करे की पाइप से कीड़ा आवत बाय कैसे जानकारी होये।
हम फिर से देखत हई की सरकार कौने प्रकार से बात टालत बाय। मनइन कै समस्या दूर करै के ताई हमै कउने हद तक जाय का परे।

रिपोर्टर-  मनीषा

01/06/2017 को प्रकाशित