फैजाबाद जिले में धर्म के भेद भाव को पार करता है बारावफात का त्यौहार

जिला फैजाबाद, पहाडगंज घोसियाना बारावफात यानी हजरत मोहम्मद कै जन्मदिन फैजाबाद मा बहुत ही धूमधाम से मनावागा।बारावफात आपसी भाईचारा कै त्योहार आय।जेह्मा हिन्दू मुसलमान मिलके जुलूस मा भाग लियाथिन।
इमरान अहमद अंसारी पहाड़गंज घोसियाना कै कहब बाय कि बारावफात हमरे सब अपने गुरु हजरत मोहम्मद के पैदा हुवय के ख़ुशी मा मनाई थी। दिसम्बर महीना मा 12 तारीख का हजरत मोहम्मद साहब पैदा भा रहे।
मेराज अहमद कै कहब बाय की जुलूस मा सन्देश दीन जाथै कि हमार सरकार आज के दिन आय रहे। लंगर मा तमाम पकवान कै इंतजाम हुआथै। जेहमा हर धर्म कै मनई शामिल हुआथै। महीना भर पहले तैयारी शुरू होई जाथै। चंदा लिया जाथै रसीद काटी जाथै। घर सजावा जाथै।
राबिया बानो अउर इरफ़ान अली चिश्ती कै कहब बाय कि गरीबन का कपडा बांटा जाथै। लंगर मा हर जाति कै मनई सरीक हुआथिन।

रिपोर्टर- मनीषा और संगीता

14/12/2016 को प्रकाशित