फैजाबाद जिले के हैबतपुर गाँव की महिला प्रधान को मिला स्वच्छता का इनाम

जिला फैजाबाद, ब्लाक पूरा बाज़ार, गाँव हैबतपुर अस्वच्छता के आदत का प्रोत्साहित करै के ताई स्वच्छ भारत मिशन के शुरुआत कीन गए।देश मा हुवय वाली दस मउत महसे एक कै कारण स्वछता कै कमी आय येही अभियान के तहत गाँव अउर शहर मा शौचालय बनावै के ताई धन भी सरकार दियत बाय।अउर फिर भी पंचानवे करोड़ मनई महसे खुले मा सौच करै वाले साठ फीसदी आबादी भारतीय अहै।
येही अभियान का बढ़ावा दिये के ताई मनइन का समय-समय पै सम्मानित कीन जात बाय। एसे ही एक पुरस्कार महिला दिवस पै प्रधानमंत्री प्रधान मंजू वर्मा का उनका अपने गाँव मा स्वच्छ भारत मिशन का सही तरीके से लागू करै के ताई दिया गए।
प्रधान मंजू वर्मा कै कहब बाय कि हम अपने गाँव मा सौ से ज्यादा शौचालय बनवाये हई। एकरे ताई हमैं अवार्ड मिला बाय। बारह-बारह हजार के चेक दिहन गाँव के मनइन का तौ वै शौचालय बनवाइन।अस्सी प्रतिशत से ज्यादा शौचालय बना बाय।बाकी बनत बाय। हम गाँव के विकास के ताई चुनाव लड़े हई। घर अउर गाड़ी के ताई नाय।
रिहाना खातून के कहब बाय कि सिर्फ शौचालय बनवाये अहैं छह हजार रुपया मिला बाय छह हजार बाकी है। सावित्री के कहब बाय कि दुई तीन चकरोट पटाये अहैं।वीरेंद्र मौर्य प्रधान के बेटवा कै कहब बाय कि जगह-जगह डेस्टबीन रखी गए बाय रोज-रोज सफाई हुआथै। नाली मा गंदगी नाय बाय कि कहूँ से मच्छर पैदा होय सकै।
आकाश वर्मा कै कहब बाय प्रधान चाहे तौ हमरे गाँव मा सफाई करवाय सकाथिन। पर चाहतिन नाय कि गाँव मा सफाई हुवय।सड़क के किनारे सफाई करवाई गए लकिन गाँव मा नाय।

रिपोर्टर- नसरीन अउर मनीषा

22/03/2017 को प्रकाशित