पाईनएप्पल पान से लेकर झूले और गहने, फैजाबाद के ड्रीमलैंड मेले में घूमने चलो!

जिला फैजाबाद, शहर फैजाबाद, शुरू होइगा फैजाबाद मा हर साल लागय वाला ड्रीमलैंड प्रदर्शनी व मेला, यहिकै चकाचौध अउर सजावट काबिले तारीफ बाय। जैसे जैसे शाम हुआथै यहि भीड़ लागै शुरू होय जाथै तौ काहे न हम सब भी यहि मेला मा शामिल होय जाई। आप मेला मा सोनू बनारस कै पान खाइन।
सोनू पान वाले कै कहब बाय कि तम्बाकू वाला पान हम नाय बनाइत काहे से सिर्फ बूढ़े मनई ही तम्बाकू वाला पान खाथिन। पाइनएप्पल स्टोवेरी, चाकलेट, केशर जैसे पान बाय। दुई-तीन हजार डेली कै कमाई होय जाथै। एक पान कै दाम बीस रुपया से पचास रुपया तक कै बाय।
मेला मा झूला न हुवय येस मेला ही कवन?
नीलम दर्शक कै कहब बाय कि मेला मा झूला बाय तौ गेदहरै झूल लिहिन। जैसे शहर मा गेदहरे स्टेडियम मा खेलै जाथिन वैसे मेला मा थोड़ा खुला पाय जाथिन। समान मा कउनौ अंतर नाय बाय।
का जीएसटी से कउनौ फर्क पड़ा?
सोना दर्शक कै कहब बाय कि बाज़ार तौ ठीक ही बाय लकिन महगाई के हिसाब से भी ठीक बाय बस थोड़ा मंहगा बाय। अपने यहाँ के बाजार से थोड़ा बहुत फर्क बाय।

रिपोर्टर- संगीता

Published on Aug 20, 2017