फैजाबाद और फैशन

जिला फैजाबाद सर्दी कै मौसम आय चुका बाय अउर मौसम बाय गर्म कपड़ा कै। पर खरीदी काव? स्वेटर, जाकेट, कम्बल या फिर कुर्ती। रंग बिरंगे गर्म कपड़ा से तौ पूरा बाजार सजा बाय। अउर नए साल पे तौ हर तरीका कै कपड़ा बाजार मा बिकत बाय।
बिक्की आनन्द दूकानदार कै कहब बाय कि दूकान मा लेडीज स्वेटर सबसे ज्यादा बाय अउर दुसरे नम्बर पै स्टॉल बाय। कपड़ा मा डिज़ाइन अलग अलग बाय, कपड़ा कै क्वालिटी अउर डिजाइन के अनुसार कपड़ा कै दाम बाय। जेतना भी दाम कपड़ा कै बाय वकरे पचास प्रतिशत छूट पै कपड़ा बेंचा जाथै। साल, स्वेटर, कम्बल अउर गेदहरन के ताई कपड़ा हर तरीका कै बाय।
कविता खरीददार कै कहब बाय कि येहि बी मार्ट मा स्लीपर हमै बहुत पसंद आय। ई नए साल पै नए लुक मा दिखा। हिंया हर नए साल के पहिले हम कपड़ा खरीदे आई थी। सुमन खरीददार कै कहब बाय कि पहली बार आय हई बढ़िया बढ़िया कपड़ा बाय।
दीपक यादव दुकानदार कै कहब बाय कि आज के समय मा टेक्नोलॉजी यतनी अच्छी होय गए बाय कि जेतना कपड़ा पतला हुआथै वतनै गरमाथै।लकिन मनई कै सोंच ई रहाथै कि जेतना मोट रहे वतना ज्यादा गरमाये। पांच साल से येहि दुकान लगाइथी। येहि समय सॉफ्ट ऊन वाले कपड़ा ज्यादा बिकत अहैं।

रिपोर्टर- संगीता और मनीषा

29/12/2016 को प्रकाशित