फूस के मदरसा भवन

ऐई झोपड़ी में चलई छई मदरसा
ऐई झोपड़ी में चलई छई मदरसा

जिला सीतामढ़ी, प्रखण्ड रीगा, पंचायत सिराही, गांव रामपुर लक्ष्मीनीया टोला। उहां वार्ड नम्बर आठ में लगभग छियासठ घर मुस्लिम हई। उहां के लोग 2011 से मदरसा भवन बनावे के लेल मांग करई छथिन। लेकिन कोई अधिकारी ऐई पर ध्यान न देई छथिन।उहां के मुहम्मद इसरायल अंसारी, मोहम्मद खलील, मोहम्मद जलील सब कहलथिन कि इहां मुस्लिम लोग के बस्ती हई। लेकिन इहां मस्जिद मदरसा न रहलई त हमरा सब के बड़ा दिक्कत होईत रहलक। नवाज पढ़े में या फतिया करावे के लेल जमीन खरीदली। उहां फूस के घर बनाके मदरसा खोलली। तहिया से दु गो मौलवी अउर बाहर के बच्चा भी इहां पढ़ई छई। फूस के घर रहे के कारण हमेशा मरम्मत करावे के परई छई।
वार्ड सदस्य सलीम लहेरी कहलथिन कि भवन बनावे के लेल पंचायत प्रखण्ड अउर विधायक से भी मांग कयले छी। लेकिन कहां कोई सुनवाई हई।
प्रखण्ड विकास पदाधिकारी मुकेश कुमार कहलथिन कब्रीस्तान घेराबंदी के लेल रूपईया अबई छई। लेकिन मदरसा बनावे के लेल रूपईया न अबई छई।