फाॅर्म ज्यादा, रूपईया कम

 कन्या विवाह वाला फाॅर्म
कन्या विवाह वाला फाॅर्म

जिला शिवहर, प्रखण्ड तरियानी, गांव वैधनाथपुर, वार्ड नम्बर ग्यारह। इहां कुरैशा खातून के पोती के शादी होयला लगभग तीन साल हो गेलई लेकिन अभी तक कन्या विवाह वाला रूपईया न मिललई।
उ कहलथिन कि हमर पोती मुन्नी खातून के शादी के बहुत दिन हो गेलई। लेकिन अभी तक कन्या विवाह योजना के लाभ हमरा न मिललक। जबकि शादी के एक महिना बाद 2011 अप्रैल महिना में ही फाॅर्म भर के पंचायत में जमा कर देली। उनकर अब्बा नजून हुसैन कहलथिन कि सरकार त तरह-तरह के योजना गरीब के लेल बना देई छथिन। लेकिन लाभ कहां मिलई छई? ऐई रूपईया के फाॅर्म भरे के लेल केतना बेर दउड़-धुप कईली।
मुखिया उपेन्द्र साह कहलथिन कि उ पंचायत में कागज जमा कयले छथिन त प्रखण्ड में जमा हो गेल होतई।
प्रखण्ड विकास पदाधिकारी डाॅक्टर संजय कुमार सिंह कहलथिन कि जईसे रूपईया अबई छई ओईसे लोग सबके देल जाई छई। फाॅर्म ज्यादा लोग के भराई छई अउर रूपईया कम लोग क अबई छई। अगर उनकर फाॅर्म जमा होतई त पास होके अतई अउर उनका रूपईया मिलतई।